ബാംഗ്ലൂരിൽ നിന്നും പള്ളുരുത്തിയിലേക്ക് പോയിരുന്ന ആറംഗസംഘം സഞ്ചരിച്ചിരുന്ന കാറാണ് പുലർച്ചെ രണ്ടു മണിയോടെ അപകടത്തിൽപ്പെട്ടത്.കാറിൽ ഉണ്ടായിരുന്ന മറ്റു നാലുപേരുടെ പരിക്ക് ഗുരുതരമല്ലതൃശൂർ പട്ടിക്കാട് മേൽപാത അവസാനിക്കുന്ന ഭാഗത്ത് ഫാസ്റ്റ് ട്രാക്കിൽ പോയിരുന്ന വാഹനം ദേശീയപാതയോരത്തെ ഡിവൈഡറിൽ ഇടിക്കുകയും നിയന്ത്രണം വിട്ടുമറിയുകയുമായിരുന്നു
.കൊച്ചി പള്ളുരുത്തി പുല്ലുശ്ശേരി അർജുൻ ബാബു ആണ് മരിച്ചത്. ഒപ്പം ഉണ്ടായിരുന്ന നിസാ മിനെ ഗുരുതര പരുക്കുകളോടെ തൃശ്ശൂർ ജൂബിലി മിഷൻ ആശുപത്രിയിൽ പ്രവേശിപ്പിച്ചു.പലതവണ മറിഞ്ഞ കാർ പൂർണ്ണമായും തകർന്നു.അപകടത്തെ തുടർന്ന് ദേശീയപാതയിൽ ഏറെ നേരം ഗതാഗതക്കുരുക്കുണ്ടായി. ദേശീയപാത റിക്കവറി വിഭാഗം, പീച്ചി പോലീസ്, മണ്ണുത്തി ഹൈവേ പോലീസ് എന്നിവർ സ്ഥലത്തെത്തിയാണ് ഗതാഗതം പുനസ്ഥാപിച്ചത്.മരിച്ച അർജുൻ എറണാകുളം മഹീന്ദ്ര ഷോറൂമിൽ ജീവനക്കാരനാണ് ഗുരുതര പരിക്ക് പറ്റി ചികിത്സയിൽ ഉള്ള നിസാം എറണാകുളത്ത്ടെക്സ് സ്റ്റൈൽ ഷോപ്പിൽ ജീവനക്കാരനാണ്
